Хоосон дэлхийд ХАЙР СЭТГЭЛ өрнөх болвол...

Тиймээ гарчигнаас нь хараад олон хүмүүс ямар кино юм болоо? гэж орж байна. 

Хэрвээ дэлхий мөхөж сүйрэхдээ тулвал хүмүүс задгай сансарт гарахад хов хоосорсон дэлхийд дахиад Ромео Жулиата шиг дурлал асаж байх болов уу? Тэгвэл хэдүүлээ WALL - E  хэмээх бүрэн хэмжээний хүүхэлдэй киног дурсацгаая. мэдэхгүй хэд нь мэдэж авцгаая.

Эхлэл хэсэг:

Дэлхий сүйрээд олон зуун жил өнгөрчээ. Азаар нэгэн амьд робот амьд байжээ. Түүнийг Wall-E гэдэг. Тэрээр олон зуун жил ганцаардал гээчийг туулийн ихээр мэдэрч өдөр хоног аар саархан зүйл оролдож янзалдаг байлаа.

Та бүхэн хөөрхий Роботыг бөгж хараад санааширч байгааг харж байна. Хэдий төмөр бодьтой ч түүний зүрх зөөлхөн бололтой. Хараач тэр ХАЙР-ыг хүсэж байна.

Өрнөл хэсэг:

Нэгэн нартай өглөө тэнгэрээс нүргэлэх их чимээ бууж ирсээр асар том харийн хөлөг онгоц айсуй... Wall-E залуу маань тэсгэлгүй гүйж очоод баярласан гэж жигтэйхэн. Онгоцноос орчин цагын супер робот чухал царайлан бууж ирнэ. Ингээд Wall-E залуу тэр робот-д анхны харцаараа дурлах нь тэр. Цагаан роботыг EVE гэдэг. Нэрнээс харахад л тэр эм хүйстэн болж таараа. EVE харин манай дэлхийд амьдарч болох бүхий л боломжуудыг хайдаг. Энэ үед Wall-E түүнд туслана.

Аан энэ EVE яагаад унтарсан бэ? гэхээр түүний зүрхэн тушаа буй ногоон навч нь энэ дэлхийд амьдарч болох хэрэгтэй баримтыг  хадгалаад цаг нь болохоор өгөгдлийн сан буюу задгай сансарт амьдарч буй хүн төрөлхтөнд очих хэрэгтэйгээр суурилагдсан байж.

Мэдээж Wall-E маань EVE-ээ алдахгүйн тулд араас нь дагаж хүн төрөлхтний зүг одно. Энэ үед Wall-E-ийн ганц найз байсан жоомхон дэлхийдээ цор ганцаар үлдсэн.

Ингээд EVE маань хөлгийн ахлагчид баримтаа үзүүлэхэд гэнэт Wall-E гарч ирэн хэсэг үймүүлнэ. За тэр ч яахав хамгийн гол нь манай EVE -ийн баримтыг ахлагчийн туслах улаан нүдэн залуур /Ахлагчийн дэргэд байгаа улаан залуур/ үүнийг нь эсэргүүцнэ.

 Улаан залуур EVE-ийн олж ирүүлсэн баримт /ургаж буй ургамал/-ыг хулгайлж задгай сансарт хаяна. Энэ хооронд манай гол дүрүүд нилээд тэмцэх хэрэгтэй болдог.

EVE урьдийн адил даалгавраа л бодсоор харин Wall-E түүнд улам дурласаар л.

Төгсгөл хэсэг:

Одоо та бүхэн тэдний баяр жаргалтай байгааг харцгааж байна. Тэд хамтдаа хэцүү бүхнийг даван туулж алдагдсан ургамлаа эргүүлэн олж хөлгийн ахмадад өгөх болсон. Ингээд хүн төрлөхтөн тэдний ачаар эргэн гариг дэлхийдээ амьдрах болдог.

Ерөнхийдөө киногоо маш товчхон хураангуйлан бичлээ. Хэрвээ үзээгүй хүмүүс байвал амьдралдаа заавал үзэх ёстой кинонуудын нэг нь шүү гэж хэлмээр байна.

Театрт анх гарсан он,сар,өдөр: 2008 оны 6 сарын 27
Нийт Орлого: $127,196,028
Төрөл: Адал Явдалт
Оролцон тоглогчид: Fred Willard, Jeff Garlin, Ben Burtt, Sigourney Weaver, John Ratzenberger
Найруулагч: Andrew Stanton
Продьюсер: Jim Morris
Зохиогч: Thomas Newman
Үргэлжлэх хугацаа: 97 мин