Рио де Жанейро 2010 (№1)

Эрхэм уншигчид сар шинэдээ сайхан шинэлэв үү?

Биднийг шинэлж байх хойгуур Валентины баяр, Бразилын Карнавал этэр болоод өнгөрчээ. Хэдийгээр дэлхий даяар ач холбогдол өгдөг том баярууд мөн боловч Үндэсний баяр Цагаан сарын маань сүрэнд үнэхээр дарагдсан бололтой, хэн ч тийм их сүрхий ач холбогдол өгсөнгүй бололтойдогоо.

За Валентины баярын тухай элдэв мэдээ материалууд нилээд олдсон боловч тийм ч их сонирхолтой биш санагдсан тул Рио-гийн карнавалын зургуудаар та бүхнийхээ мэлмийг мялаахаар шийджухуй. Рио-гийн карнавалыг дэлхий даяар мэддэг тул би энд олон үг бичиж уншигчдыг чилээхгүй байхаар шийдлээ.

Ямартаа ч түг түмэн жуулчин уг баярт оролцохоор ирсэн гэнэ. Эдийн засгийн хямралд нилээдгүй өртөөд байгаа Бразил улс тус карнавалынхаа ачаар элгээ сайтар дэвтээв бололтой.  Таалан соёрхоно уу.

700,000 жуулчин эл баярт оролцохоор Бразилд ирсэн тоо байна.

Нийт 2.5 сая хүн тус фестивалийг үзэж байгаа гэнэ.

Тус баярт жил болгон олон олон самбагийн сургуулиуд оролцдог. Сургууль болгон нэг сэдвийн хүрээнд хөгжим зохиож, бүжиг, дуугаа бэлдэж оролцдог.